حیدرآبادی ستیہ ناڈیلا کے مائیکرو سافٹ کے سی ای او بننے کا امکان

نئی دہلی ۔ 31 ۔ جنوری (ایجنسیز) حیدرآباد سے تعلق رکھنے والے ستیہ ناڈیلا کے مائیکرو سافٹ کے سی ای او بننے کا امکان ہے ۔ ذرائع ابلاغ میں یہ ایسی اطلاعات عام ہے کہ 47 سالہ ستیہ ناڈیلا کو دنیا کی نامور سافٹ ویر کمپنی مائیکرو سافٹ اپنا سی ای او بنانے کے قریب پہونچ چکی ہے ۔ گزشتہ سال اگست میں اسٹیو بالمر کے سی ای او کے عہدہ سے مستعفی ہونے کے اعلان کے بعد کمپنی گزشتہ 5 مہینے سے نئے سی ای او کی تلاش میں تھی ۔ ناڈیلا نے ابتدائی تعلیم حیدرآباد پبلک اسکول بیگم پیٹ میں حاصل کی بعد ازاں انہوں نہ



منی پال یونیورسٹی سے انجینئرنگ کی ڈگری حاصل کی اور شکاگو کی یونیورسٹی سے ایم بی اے اور اس سے پہلے وسکانسن یونیورسٹی سے کمپیوٹر سائنس میں ایم ایس کیا ۔ سن کمپنی کے ساتھ کام کرنے کے بعد ناڈیلا نے 1992 میں مائیکرو سافٹ میں شمولیت اختیار کی ۔ اپنی طویل میعاد کے دوران انہوں نے اہم ذمہ داری نبھائی اور ڈاٹا بیس ونڈو ز سرور اینڈ ڈیولپر ٹولس جیسی مشہور ٹکنالوجیز کو لانے میں کلیدی رول ادا کیا۔ اگر وہ منتخب ہوئے تو وہ بالگیٹس اور اسٹیو بالمر کے بعد سب سے بڑی امریکی کمپنی کے تیسرے سی ای او ہوں گے ۔